Брытанец зрабіў сэлфі з жанчынай, дзеля якой схуднеў на 305 кіло ФОТА
На што вы гатовыя дзеля каханай?
Былы паштальён з Іпсвіча, Вялікабрытанія, Пол Мэйсан, які некалі быў самым цяжкім чалавекам планеты, зрабіў сэлфі са сваёй каханай — Рэбэкай Маўнтн з Масачусэтса, ЗША. Гісторыю кахання і страты трох цэнтнераў распавядае The Daily Mail.
41-гадовая Рэбэка (якая, дарэчы, важыць каля 50 кг) чарговы раз сустрэлася нажывую з 54-гадовым Мэйсанам ў Штатах пасля яго апошняй аперацыі. Пара прагулялася (што для Мэйсана само па сабе незвычайна) па Цэнтральным парку Нью-Ёрка, дзе і зрабіла згаданае сэлфі.
Да знаёмства з Рэбэкай Мэйсан важыў 445 кіло — сусветны рэкорд. Пазней ён прайшоў шунтаванне страўніка, што дазволіла яму за схуднець на тры чвэрці сваёй вагі. Сёння ён важыць 127 кіло.
У красавіку Мэйсан прайшоў доўгачаканую аперацыю па выдаленні лішняй скуры, праз што страціў дадатковыя 21 кг. Доўгі час розныя дактары не дазвалялі аперацыю — хацелі пераканацца, што Мэйсан не стане зноў набіраць вагу. Аперацыю пагадзіліся правесці ў Нью-Ёрку. Для здаровага жыцця яму спатрэбіцца яшчэ адна такая аперацыя.
Мэйсан прайшоў шунтаванне страўніка яшчэ ў 2010 годзе. Але, паводле яго слоў, схуднець яму дапамагло знаёмства з Рэбэкай у 2013 годзе. Пара пазнаёмілася праз Facebook — Рэбэка напісала Полу пасля таго, як паглядзела дакументальны фільм пра яго. Жанчына хацела дапамагчы знайсці яму памочніка па гаспадарцы, але першая ж размова па Skype зацягнулася на чатыры з паловай гадзіны.
У хуткім часе пара плануе ажаніцца.
«Калі я згадваю, як ляжаў у ложку сем дзён на тыдзень і думаў толькі пра ежу, я не веру, што гэта быў я», — кажа Мэйсан. Да знаёмства з Рэбэкай ён спажываў 20 тысяч калорый на дзень (пры норме ў дзве з паловай тысячы) — менавіта каханне падштурхнула яго да схуднення.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары