Інфармацыя пра месца і час пахавання Кацярыны Лукашэнка пакуль не абвяшчаецца
На імя Аляксандра Лукашэнкі «паступаюць шматлікія спачуванні з Беларусі і з-за мяжы ў сувязі са смерцю яго маці», паведаміла БелаПАН прэс-сакратар прэзідэнта Наталля Эйсмант.
Паводле яе слоў, «інфармацыя пра месца і час пахавання не абвяшчаецца».
Як паведамлялася раней, у сувязі са смерцю маці Лукашэнка перанёс на два дні свой афіцыйны візіт у Пакістан: замест 26—27 мая ён адбудзецца 28—29 мая.
Маці кіраўніка дзяржавы Кацярына Трафімаўна Лукашэнка нарадзілася ў 1924 годзе ў Шклоўскім раёне Магілёўскай вобласці. Паводле неафіцыйнай інфармацыі, апошнім часам жыла ў прэзідэнцкай рэзідэнцыі «Дразды».
Не выключана, што Кацярына Лукашэнка будзе пахаваная ў вёсцы Александрыя Шклоўскага раёна (у 2006 годзе вёска была пераўтвораная ў аграгарадок), дзе на мясцовых могілках ужо ёсць пахаванні сваякоў Лукашэнкі.
Дарэчы, у маі 2014 года ў інтэрв'ю расійскаму тэлеканалу «Дождь» Аляксандр Лукашэнка прызнаўся, што хацеў бы быць пахаваным на радзіме. «Я больш схіляюся да таго, каб мяне пахавалі ў маёй роднай вёсцы. Гэта больш спакойнае месца для мяне», — сказаў ён.
Цяпер чытаюць
У беларусаў Польшчы былі прычыны не галасаваць за Тшаскоўскага30
Каментары