Кацярына Нянашава трыццаць дзён насіла турэмную робу. У форме арыштанткі яна робіць звыклыя для любога масквіча рэчы — абедае ў кавярнях, ездзіць у метро, здае іспыты ва ўніверсітэце ці шпацыруе па парках. Актывістка такім чынам хоча прыцягнуць увагу да праблем сацыялізацыі жанчын, якія прайшлі праз турмы.
Сёння, на заканчэнне акцыі, Нянашава пагалілася на Краснай плошчы і была затрымана. Гэта ўжо другі раз, калі дзяўчына аказваецца ў паліцыі — 12 чэрвеня, у дзень Расіі, яна разам з Надзяй Талаконнікавай з Pussy Riot шыла «трыкалор», абедзве дзяўчыны былі ў робах.
За месяц Нянашава сутыкалася з абсалютна рознай рэакцыяй мінакоў — з ёй неахвотна размаўлялі, прыставалі альбо пыталіся, ці сапраўды арыштаваных адпускаюць на выходныя дадому. Агулам, такая акцыя паказала і жыхарам горада, і ёй самой, як цяжка грамадства гатовае прымаць людзей, якія адбывалі пакаранне. Прачытаць справаздачу з кожнага дня можна ў яе фэйсбуку.
У Расіі больш за 600 тысяч людзей утрымліваецца ў калоніях, з іх 8% — жанчыны.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас11
Каментары