Крок да неймаверна хуткага інтэрнэту і неймаверна каляровых дысплэяў.
Навукоўцы і інжынеры Арызонскага дзяржаўнага ўніверсітэта (ЗША) стварылі першы лазер, што можа свяціць белым святлом, і распавялі пра яго ў часопісе Nature. Яго можна будзе выкарыстаць у дысплэях, свяцільніках і «лазерным» Wi-Fi.
Лазеры свецяць адным колерам: іх святло монахраматычнае, то значыць, у вельмі вузкім дыяпазоне даўжынь хваляў. Белы лазер камбінуецца з трох, чырвонага, сіняга і зялёнага, што стварае ўражанне белага — поўнага спектру бачных нам колераў.
Цяжкасць са стварэннем «белага» лазера была ў вельмі рознай структуры паўправаднікоў для розных колераў. Сакрэт у раней немагчымым «зрошчванні» неспалучальных рэчываў. Іх аб’ядналі ў лісце таўшчынёй у некалькі нанаметраў паўправодных пластоў з цынкам, кадміем, серай і селенам. Ліст падзелены на некалькі сегментаў, кожны выпраменьвае свой колер.
Кожны сегмент можа асобна ўзбуджацца імпульсамі рознай магутнасці, што дае на 70% больш выразныя колеры, чым у іншых вядомых штучных крыніцах святла. Лазеры могуць быць значна больш эфектыўнымі за светладыёды. Калі апошнія даюць 150 люмен святла на ват электрычнасці, лазеры могуць даваць больш за 400 люмен на ват. То значыць, могуць быць створаныя яскравыя і энергаэфектыўныя «лазерныя дысплэі».
Таксама белы лазер можа стаць асновай Li-Fi — «лазернага Wi-Fi», што можа стаць у 10 разоў хутчэйшым за звыклы Wi-Fi. Перадача інфармацыі святлом можа адбывацца з хуткасцю да 100 Гбіт/с.
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Цяпер чытаюць
Памятаеце палітвязня Вітухноўскага, які пайшоў ваяваць за Расію? Ён ужо загінуў12
Каментары