Сёлетняе надвор'е так моцна ўдарыла па бакасах, што на іх перанеслі паляванне
12 ліпеня у Беларусі пачаўся сезон палявання на бакаса. Але сёлетняя вясна стала для гэтых кулікоў сапраўдным выпрабаваннем: нізкі ўзровень вады і засуха ў красавіку-траўні, холад і замаразкі да сярэдзіны траўня і рэзкі пад’ём вады ў канцы вясны. У выніку — поспех гнездавання амаль нулявы, піша тэлеграм-канал «Дзікая прырода побач».
Бакас каля Турава. Фота: Кацярына Фацеева
У выніку сёлета кіраўніцтва нацыянальнага парку «Прыпяцкі» ўпершыню пагадзілася перанесці паляванне на бакаса і качак на месяц пазней. Паляўнічых заклікаюць устрымацца ад палявання на бакаса ў найбліжэйшы месяц.
Каментары