«Ні я, ні мая каманда не сыходзяць з прэзідэнцкай кампаніі», — заявіў старшыня Аб'яднанай грамадзянскай партыі Анатоль Лябедзька 24 жніўня на прэс-канферэнцыі ў Мінску.
«Мы не ставілі самамэтай сабраць сто тысяч подпісаў, але і не адмовіліся б ад іх, калі б валанцёры іх сабралі. Пакуль мы страцілі толькі выступ на тэлебачанні і радыё», — сказаў палітык, ініцыятыўная група якога сабрала больш за 52 тысяч подпісаў у падтрымку вылучэння яго кандыдатам у прэзідэнты.
У той жа час, падкрэсліў Лябедзька, «мы адмаўляем такія фармулёўкі, як «сышлі з дыстанцыі», «скончылі ўдзел у выбарах». «Выбачайце, пра якую дыстанцыю і якія выбары можа ісці размова ў Беларусі? Гэта ад пачатку была выключна палітычная кампанія, таму што сапраўдных выбараў у Беларусі няма», — сказаў ён.
«Як толькі скончыцца час цішыні (пачнецца агітацыйная кампанія), выйдзем з пікетамі, пойдзем да людзей, будзем збіраць подпісы ў падтрымку праграмы «Мільён новых працоўных месцаў». Па-другое, мы будзем збіраць подпісы за адстаўку ўрада і кіраўніка ЦВК Лідзіі Ярмошынай як сімвала татальнага глупства, лахатрону, якія ёсць на сёння ў Беларусі. Мы нікуды не сыходзім. Мы застаемся з нашымі выбаршчыкамі, будзем актыўна з імі працаваць на заключнай фазе выбарчай кампаніі», — заявіў Лябедзька.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6363
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне63
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары