24 жніўня кітайскае інтэрнэт-выданне Хуаньцю апублікавала некалькі фотаздымкаў, зробленых падчас візіту журналістаў на будоўлю чыгуначнага маставога пераходу Ніжняленінскае — Тунцзян праз Амур.
Адзін з рэпарцёраў заўважыў, што на памежнай вышцы з расійскага боку ўстаноўленае пудзіла, апранутае ў форму вартавога.
Таксама выданне адзначыла, што бязлюдны бераг на расійскім баку ракі кантрастуе з кітайскім, дзе будаўніцтва моста завершана на 60%.
Мост Ніжняленінскае — Тунцзян будзе першай пераправай такога роду паміж Расіяй і Кітаем, пагадненне аб сумесным будаўніцтве было падпісана яшчэ летам 2013 года. У Расіі чакаюць, што з'яўленне моста стане «наймагутным антыкрызісным праектам».
Каментары