Трое вайскоўцаў 79-й брыгады Узброеных сіл Украіны затрыманыя ў Крыме супрацоўнікамі пагранічнага ўпраўлення ФСБ.
Вайскоўцаў, у якіх пры затрыманні не было з сабой дакументаў, падазраюць у незаконным перасячэнні мяжы. Іх плануецца прыцягнуць да адміністрацыйнай адказнасці і перадаць украінскім памежнікам.
Салдат затрымалі на тэхналагічнай дамбе на возеры Сіваш. Як сцвярджаюць у ФСБ, вайскоўцы распавялі, што за дзень да гэтага, выпіўшы алкагольных напояў, вырашылі пагутарыць з расійскімі марскімі пехацінцамі, якіх яны не раз бачылі на іншым беразе возера. На наступную раніцу дэсантнікі ўзялі з сабой кавун, кавалак сала і спіртное, набытае ў мясцовых жыхароў, і пайшлі «братацца» з расійскімі марпехамі, адзначылі ў ведамстве.
Па словах затрыманых, іх мэты былі «выключна мірныя». Яны хацелі «паесці кавуна з салам, выпіць гарэлкі, паскардзіцца на цяжкую службу ва ўкраінскіх узброеных сілах», сцвярджае ФСБ.
Напярэдадні Генштаб Узброеных сіл Украіны заявіў аб знікненні трох вайскоўцаў 79 брыгады на мяжы з Крымам. У Генштабе паведамілі, што ў ноч на суботу пасля змены на назіральным пункце яны прыбылі ў размяшчэнне, пераапрануліся ў цывільнае і пайшлі на дамбу купацца. Пазней высветлілася, што ўначы з боку Крыма туды прыязджалі УАЗ і «Урал».
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1616
Каментары