«Белгазпрамбанк» плануе ў кастрычніку запуск новага праекта ў сферы краўдэканомікі — першага ў Беларусі банкаўскага сэрвісу па фінансаванні бізнес-праектаў, які аб'яднае сродкі і патэнцыял многіх людзей.
Як паведамілі ў «Белгазпрамбанку», WikiBank — платформа, што прадугледжвае прыцягненне сродкаў укладчыкаў і іх удзел у канкрэтных бізнес-праектах. Кожны прадпрымальнік будзе мець магчымасць, размясціўшы свой праект на пляцоўцы WikiBank, атрымаць не толькі выгаднае крэдытнае фінансаванне свайго праекта «Белгазпрамбанкам», але і падтрымку ад многіх людзей.
На думку спецыялістаў банка, гэта можа быць цікава кампаніям малога і сярэдняга бізнесу, якія развіваюць наяўныя кірункі бізнесу і пачынаюць новыя. Пры жаданні стаць удзельнікам прадпрымальнік афармляе адпаведную заяўку на сайце wikibank.by.
«Традыцыйна ўкладчыкі прыносяць грошы ў банк і не ведаюць, як банк імі распараджаецца. «Белгазпрамбанк» з дапамогай WikiBank фарміруе празрыстую схему размяшчэння дэпазітаў для прыватных асоб: патэнцыяльныя ўкладчыкі змогуць азнаёміцца з прэзентаванымі праектамі, накіраваць свой уклад на падтрымку аднаго з іх. Аформіць уклад можна будзе проста на сайце, выкарыстоўваючы любыя плацежныя карты», — растлумачылі ў банку.
Сёння WikiBank збірае ідэі прадпрымальнікаў, якія хочуць быць першымі на гэтай пляцоўцы. Пры гэтым быць першымі могуць не толькі прадпрымальнікі, якія хочуць атрымаць крэдыт, але і тыя, што ўжо аформілі крэдыты «Белгазпрамбанка».
Ціханоўская пра мужа: Увесь ягоны свет перакулены22
Каментары