Семдзесят чатыры кубаметры лесу незаконна высечаныя каля вёскі Макраны Глускага раёна.
Паводле звестак Дзяржаўнай інспекцыі аховы жывёльнага і расліннага свету, усяго чорныя лесарубы высеклі 196 дрэў. Агульны ўрон склаў больш за 45 млн. рублёў. Сярод знішчаных дрэў — каштоўныя пароды: бяроза, граб, алешына, дуб, ясень, асіна.
Незаконныя высечкі выявілі прыблізна тыдзень таму супрацоўнікі Асіповіцкай міжраённай інспекцыі аховы жывёльнага і расліннага свету.
Распачатая справа на падставе ч. 1 арт. 277 Крымінальнага кодэкса (незаконная высечка дрэў і хмызняку, што пацягнула ўрон у буйным памеры), расследаваннем якой займаецца Глускі аддзел Следчага камітэта.
Ужо ўстаноўлены адзін з магчымых удзельнікаў незаконнай высечкі лесу — мясцовы жыхар, на тэрыторыі домавалодання якога знойдзеныя частка высечаных дрэў, паведаміла афіцыйны прадстаўнік УСК па Магілёўскай вобласці Аксана Салянюк. Аднак пакуль застаецца невядома, хто яшчэ незаконна высякаў лес у Глускім раёне і як доўга гэта працягвалася.
Цяпер чытаюць
«Міс Беларусь» усё больш нагадвае конкурс прыгажосці ў гарэме13
Каментары