Нядаўна ў горадзе нават прайшла пашыраная нарада, тэрмінова скліканая старшынём гарадзкога Савету Генадзем Масько i старшынём гарвыканкаму Аляксандрам Палышэнкавым.
Нядаўна ў горадзе прайшла адмысловая нарада, тэрмінова скліканая старшынём гарадзкога Савету Генадзем Масько i старшынём гарвыканкаму Аляксандрам Палышэнкавым. На парадку дня стаяла адно пытаньне: як пераадолець хваробу «графіцізму»? На сход былi запрошаны пэдагогi, работнiкi ЖКГ, мiлiцыi, гандлю, транспарту, прадстаўнiкi моладзевых арганiзацый.
Праваахоўнiкi расказалi, што ў горадзе дзейнiчаюць некалькi груповак графiцістаў, якiя спаборнiчаюць адна з адной, хто запырскае фарбай больш сьцен i ўцячэ ад пакараньня. Дзеткi «гуляюць», а ўрон падлiчваюць мiльёнамi ўстановы камунальнай гаспадаркi.
Адзiн з удзельнiкаў нефармальнага гуртку графiтыстаў, якi быў запрошаны на нараду, расказаў пра кодэкс гонару сапраўдных «прыхiльнiкаў жанру».
Няпiсаныя правiлы забараняюць палiваць фарбай помнiкi, аўтамабiлi i новыя будынкi. I кодэксу прытрымлiваюцца «райтэры», якiя працуюць на замову, удзельнiчаюць у спаборнiцтвах, працуюць, можна сказаць, прафэсiйна. А групоўка, якую называюць «бомберы», «бамбiць» усё, што пад руку трапiцца.
Дарослыя ўдзельнiкi пашыранай нарады схiлялiся да думкi, што найбольш дзейснай мерай барацьбы з несанкцыянаваным графiтызмам зьяўляецца выяўленьне парушальнiкаў i ўнушальныя штрафы.
Дарэчы, адзiн з аматараў насьценнага росьпiсу нядаўна быў затрыманы i накiраваны ў сьледчы iзалятар. Цяпер высьвятляецца кола таварышаў 20‑гадовага беспрацоўнага берасьцейца.
Надпiсы на сценах могуць абярнуцца штрафам да 50 базавых велiчынь (1,75 мiльёна рублёў). А калi шкода акажацца значнай, пакараньнем можа быць нават арышт да трох месяцаў.
Але каб было з каго спагнаць грошы на аднаўленьне пашкоджаных фасадаў, трэба зламысьнiка злавiць, даставiць яго ў аддзяленьне мiлiцыi, аформiць неабходныя дакумэнты. Таму ЖРЭУ Берасьця вырашыла плаціць прэмii работнiкам, якiя затрымаюць графiтыстаў.
Дворнiкi, прыбiральшчыцы i iншыя супрацоўнiкi, якiя зловяць парушальнiка, атрымаюць 10 базавых велiчынь — гэта крыху больш за 300 тысяч рублёў.
Страты ад графіцістаў толькі сёлета склалі недзе тры мільёны рублёў, а ў дварах, на вулiцах кожны дзень працуюць 600 супрацоўнiкаў арганiзацыi, паведамляе «Звязда».
Цяпер чытаюць
Беларус набыў кватэру ў Іспаніі, але яе занялі акупасы. Цяпер ён не можа яе вярнуць21
Каментары