Трагедыя адбылася ў доме па завулку Лідскім.
Гаспадар жылля, інвалід 1-й групы, запрасіў да сябе дадому двух знаёмых, каб выпіць. Даў грошай на віно і адправіў аднаго з іх у краму. Мужчына вярнуўся, прынёс алкаголь і нават касавы чэк.
Начальнік крымінальнай міліцыі Кастрычніцкага РАУС Аляксандр Траско распавёў, што, нягледзячы на такую справаздачнасць, яшчэ аднаму ўдзельніку застолля здалося, што мужчына са здачы пакінуў сабе тры тысячы рублёў. Выпівоха запатрабаваў грошы, учыніў сварку, падчас якой ударыў сабутэльніка кулаком у вуха. Той, у сваю чаргу, схапіў кухонны нож і ўдарыў ім знаёмага ў сэрца.
Заведзена крымінальная справа за забойства.
Каментары