Украіне трэба мінімум шэсць—сем гадоў, каб адпавядаць шэрагу патрабаванняў для магчымага ўступлення ў НАТА. Пра гэта Пятро Парашэнка заявіў у размове з DW.
«Нам трэба адпавядаць стандартам НАТА, і гэта не адбудзецца сёння, ці заўтра, ці ў наступным годзе», — дадаў Парашэнка.
«Мы суверэнная і незалежная дзяржава, і нам не трэба пытацца дазволу ні ў Расіі, ні ў кагосьці яшчэ, — падкрэсліў кіраўнік украінскай дзяржавы. — Наша пазіцыя заключаецца ў тым, каб рэфармаваць краіну, і нам трэба мінімум шэсць-сем гадоў, каб адпавядаць крытэрам. Мы павінны правесці тую працу, якая з'яўляецца неабходнай для нас, і толькі тады мы павінны спытаць украінцаў і правесці рэферэндум».
Як адзначыў Парашэнка, калі два гады таму планы па ўступленні ў НАТА падтрымлівалі каля 16% украінцаў, то цяпер — каля 60%.
Каментуючы пазіцыю міністра замежных спраў Германіі Франка-Вальтэра Штайнмаера, які бачыць толькі партнёрства Украіны з НАТА, але не яе сяброўства ў альянсе, Парашэнка адзначыў: «Гэта толькі пазіцыя Штайнмаера ў 2015 годзе, і ніхто не ведае, якой будзе пазіцыя Германіі ў 2022 годзе».
Прэзідэнт Украіны таксама падкрэсліў, што на сёння НАТА з'яўляецца адзінай эфектыўнай сістэмай бяспекі.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары