Германія мае намер граць больш істотную ролю ў міжнародных намаганнях па барацьбе з экстрэмісцкай групоўкай «Ісламская дзяржава».
Планы адпраўкі ва ўсходняе Міжземнамор'е ваенных самалётаў і фрэгата абмяркоўваліся ў чацвер партнёрамі па кіруючай кааліцыі ў бундэстагу.
У выпадку ўхвалення парламентам, ФРГ адправіць на дапамогу сваім французскім і амерыканскім партнёрам знішчальнікі Tornado у выведвальным варыянце, самалёты-запраўшчыкі і фрэгат.
Раней канцлер Ангела Меркель, па словах нямецкіх афіцыйных асоб, паабяцала прэзідэнту Францыі Франсуа Алянду даць ад чатырох да шасці выведнікаў Tornado і фрэгат для ўдзелу ў эскорце французскага авіяносца «Шарль дэ Голь», самалёты з якога ўдзельнічаюць у паветранай кампаніі ў Сірыі і Іраку.
Германія абяцала таксама прадастаўляць Францыі выведдадзеныя са спадарожнікаў.
Нямецкія самалёты, як паведамляецца, не будуць удзельнічаць у нанясенні удараў па цэлях ІД.
Адначасова ў Вялікабрытаніі прэм'ер-міністр Дэвід Кэмеран спрабуе пераканаць апазіцыйных дэпутатаў-лейбарыстаў ў парламенце падтрымаць ідэю брытанскага ўдзелу ў паветраных аперацыях супраць ІД.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары