Дзевяноста пяць арыгінальных гравюр славутых мастакоў Франсіска Гоі і Пабла Пікаса 16 снежня прыбылі ў Мінск. Пра гэта паведамілі ў кампаніі «Берын Арт Менеджмент», якая выступае арганізатарам выставы «Гоя… Пікаса», што адкрыецца 21 снежня ў Нацыянальным мастацкім музеі Беларусі.
Калекцыю гравюр для выставачнага праекта даў мадрыдскі Музей Каралеўскай акадэміі прыгожых мастацтваў Сан-Фернанда (Іспанія). Перавозка твораў мастацтва, агульны кошт якіх складае 1,4 млн еўра, заняла чатыры дні.
Выставу ў Мінску курыруе мастацтвазнаўца і скульптар Хуан Бордэс. Ён прыбудзе ў беларускую сталіцу 17 снежня. У прысутнасці акадэміка Бордэса і інспектараў мытных службаў будуць ускрытыя спецыяльныя кантэйнеры, у якіх перавозіліся экспанаты. Хутка пасля гэтага пачнецца мантаж экспазіцыі.
Спецыяльна для выставы «Гоя… Пікаса» адна з залаў Нацыянальнага мастацкага музея будзе перафарбаваная. Палітра сцен будзе залежаць ад тэматыкі, сюжэту і настрою, які задаецца той ці іншай гравюрай.
Рэалізацыі праекта садзейнічаў асабіста пасол Беларусі ў Францыі і Іспаніі па сумяшчальніцтве Павел Латушка.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары