Нідэрландская паліцыя арыштавала некалькіх удзельнікаў акцыі пратэсту супраць будаўніцтва цэнтра для размяшчэння мігрантаў у горадзе Гелдэрмалсен недалёка ад Утрэхта.
Удзельнікі акцыі паспрабавалі прарвацца скрозь паліцэйскія заслоны да будынка гарадскога савета, дзе павінна было праводзіцца пасяджэнне, прысвечанае гэтай праблеме.
Некаторыя з удзельнікаў, як паведаміла паліцыя, кідалі бутэлькі, петарды і камяні ў вартавых правапарадку. Паліцыя ў адказ адкрыла папераджальны агонь у паветра. У выніку пасяджэнне савета было адмененае.
Міністр дзяржбяспекі Нідэрландаў назваў паводзіны пратэстоўцаў непрымальным.
У гэтым годзе Нідэрланды маюць намер размясціць у сябе каля 58 тысяч уцекачоў з краін Блізкага Усходу і паўночнай Афрыкі.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»6
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары