Дэпутаты парламента Сербіі прагаласавалі за звальненне міністра абароны Браціслава Гашыча з-за фразы ў адрас журналісткі, якую расцанілі як непавагу да СМІ, паведамляе Reuters.
У снежні мінулага года Гашыч у час размовы з прэсай заўважыў, што журналістка стала на калена, каб не закрываць міністра ў кадры аператарам з тэлебачання, і сказаў: «Мне падабаюцца журналісты, якія так хутка становяцца на калені».
Журналісты і палітыкі асудзілі каментар Гашыча, а прэм'ер-міністр Аляксандар Вучыч сказаў, што ён будзе звольнены.
«Я прашу вас падтрымаць рашэнне (звольніць Гашыча) з-за ветлівасці, маральных прыстойнасцяў і павагі, якую мы ўсе павінны паказаць для іншых», — сказаў Вучыч.
У 250-месным парламенце 195 дэпутатаў прагаласавалі за звальненне міністра.
Цяпер чытаюць
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства6
Каментары