Раніцай у суботу, 13 лютага, у корпусе «А» Мінскага дзяржаўнага лінгвістычнага ўніверсітэта спрацавала пажарная сігналізацыя. Пра гэта паведаміў прэс-сакратар сталічнага МНС Віталь Дамбоўскі.
Корпус «А» — гэта той з карпусоў Лінгвістычнага, які глядзіць на вуліцу Румянцава.
У будынку пачаў тлець ўцяпляльнік ў міжсценавай прасторы між кабінетам №304 і супольным калідорам. Калі ратавальнікі прыбылі да будынку ўніверсітэта, яны не адразу знайшлі месца ўзгарання. Усіх 530 чалавек, якія знаходзіліся ў будынку, эвакуіравалі. Ніхто не пацярпеў.
Імаверная прычына пажару — кароткае замыканне электраправодкі. Сцены аўдыторый у корпусе запаўняліся пластом ізалянту для паляпшэння гукаізаляцыі. У часы пабудовы ўніверсітэта для гэтага выкарыстоўвалі яшчэ гаручую вату, а не мінеральную, як цяпер.
Цяпер чытаюць
Як жыве просты мінскі зваршчык, які выйграў тры мільёны рублёў1
Каментары