Кубак Беларусі: Пунтус перамагае ў Барысаве, а Крывушэнка прайграе ў Салігорску
16 красавіка адбыліся першыя паўфінальныя матчы Кубку Беларусі па футболе. Сярод чацьвёркі каманд, што дайшлі да гэтай стадыі, няма выпадковых — усе лідэры айчыннага футболу.
Юры Пунтус і ягонае МТЗ‑РІПА ў Барысаве экзамэнавалі леташняга чэмпіёна БАТЭ. Варта адзначыць што гульня двух «трактарных» каманд выдалася досыць вясёлай. У сярэдзіне першага тайму барысаўцы выйгравалі 2:1, але перавагу захаваць не змаглі. Двойчы Ерамчук, Вячаслаў Глеб і Канцавой забясьпечылі перамогу сталічнай камандзе — 4:2.
На 57‑ай хвіліне гульні быў выдалены галоўны трэнэр БАТЭ Віктар Ганчарэнка.
Больш сумнай на галы аказалася гульня ў Салігорску, дзе «Шахцёр» прымаў менскае «Дынама». Адзінае ўзяцьце варот было зафіксаванае на 38‑ай хвіліне гульні. Гэтым голам Андрэй Лявончык прынёс перамогу «гарнякам» — 1:0.
Матчы ў адказ пройдуць 30 красавіка. Фінал Кубку Беларусі -- 18 траўня.
Цяпер чытаюць
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары