У Мінску вырасце тарыф на ваду «без лічыльніка» і звыш за норму спажывання
У сакавіку гэтага года ў сталіцы плануецца павялічыць тарыфы на паслугі водазабеспячэння і каналізацыі, якія забяспечваюць поўнае пакрыццё эканамічна абгрунтаваных затрат на іх аказанне.
Пра гэта паведаміла намеснік дырэктара па эканоміцы і фінансах УП «Мінскводаканал» Інэса Ксяндзова.
«Пакуль складана сказаць, на колькі павялічацца тарыфы, — адзначыла яна. — Цяпер праводзяцца разлікі, якія павінны прайсці ўзгадненне на ўсіх узроўнях. На гэта спатрэбіцца каля двух тыдняў».
Сёння ў Мінску агульны тарыф на ваду і каналізацыю, які забяспечвае поўнае пакрыццё эканамічна абгрунтаваных затрат, складае 9 000 рублёў за 1 кубаметр і з'яўляецца самым нізкім у параўнанні з ужыванымі ў іншых абласных цэнтрах і рэгіёнах краіны. У прыватнасці, у Мінскай вобласці ён павялічаны да 15 141 рубля з 19 лютага 2016 года.
Плата па поўным тарыфе спаганяецца, у прыватнасці, за аб'ёмы водаспажывання звыш за 140 л у суткі на аднаго пражываючага (зарэгістраванага па месцы жыхарства) пры наяўнасці індывідуальных прыбораў уліку расходу вады (ІПУ), а таксама з грамадзян, якія пражываюць у кватэрах (індывідуальных жылых дамах) без ІПУ, за выключэннем тых, у якіх эканамічна немэтазгодна або тэхнічна немагчымая ўстаноўка гэтых прыбораў.
Рашэннем Мінгарвыканкама ад 13.01.2016 г. № 18 субсідаваны агульны тарыф на ваду і каналізацыю павялічыўся з 2 515,2 рубля да 8 914,7 рубля за 1 кубаметр і, такім чынам, максімальна наблізіўся да эканамічна абгрунтаванага.
Цяпер чытаюць
Лукашэнка загадаў прышчапляць нелюбоў да Польшчы пачынаючы са школы64
Лукашэнка загадаў прышчапляць нелюбоў да Польшчы пачынаючы са школы
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары