Турма плача па тых, хто гэтую сістэму гадуе! Піша Васіль Грынь.
Сюды на хутар прыехаць на «газоне» з кунгам! У суправаджэнні трактара «Беларуса» з люлькай, у самую слоту, калі дарога параскісаўшы. Аж да кардана зрабілі каляіну метраў сто, у нізінцы. А каманда — 6 чалавек, з надпісам на бартах кунга – «Электрасеткі»! Запаленыя фары, а 8-й раніцы ў тумане сунуцца, равуць маторы. З акна хаты выглядала як танкі едуць…
Прыехалі пад яблыні пад дратамі… Люлька не рабіла. Памацюкаліся, прывязалі нажоўку да нейкай рэйкі трохметровай, зрэзалі тры галінкі. Адзін рэзаў, пяць глядзела і курыла, накідалі бычкоў. Селі назад у кунг і трактар і пашыбавалі на Гарадэчна, зрабіўшы каляіну яшчэ глыбейшую.
Проста капец! Столькі саляры спалілі, а 6 чалавек! І ручная пілка на палцы, якая прыехала такой тэхнікай! Эфектыўней было б купіць маленькую бензапілу ды джыпік ці якую буханку, на даху драбіна, унутры дзве абвязкі і два чалавекі…
А так — проста ідыятызм, псаванне дарогі і плач турмы па тых, хто гэтую сістэму дагэтуль гадуе.
-
Ці патрэбна беларусам моцная рука? Эканаміст Львоўскі адказаў
-
Пракоп’еў пра скандал вакол Стрыжака: Не трэба кожны выпадак дрэнных манер аналізаваць праз гендар. Гэта пашляціна, яно перашкаджае перамагчы Пуціна
-
Берлінскі беларус напісаў, як у Мінску бедна, тандэтна і нудна. Яму рэзка адказаў Стась Карпаў
Літовец Віталіюс Моцкус заняў пасаду Стрыжака ў «Байсоле». Хто гэта такі?34
Каментары