Адзіную форму паведамлення аб аплаце жыллёва-камунальных паслуг ураду даручана распрацаваць да 1 мая. Гэта прадугледжана ўказам ад 23 сакавіка № 107 «Аб аплаце жыллёва-камунальных паслуг, што аказваюцца насельніцтву», апублікаваным сёння на сайце прэзідэнта.
У адпаведнасці з указам урад таксама павінен наладзіць да 1 кастрычніка аснашчэнне шматкватэрных дамоў прыборамі ўліку электраэнергіі, неабходнай для асвятлення дапаможных памяшканняў і працы абсталявання.
Аплата за паслугі ЖКГ, аказаныя ў лютым, згодна з указам № 107 дазволена ажыццявіць не пазней за 5 красавіка. Пры гэтым жыроўкі насельніцтву павінны перадаць не пазней за 25 сакавіка. Да гэтага ж часу мясцовыя выканкамы павінны зрабіць пераразлік плацяжоў за паслугі, аказаныя ў студзені.
Дакументам вызначаюцца межава дапушчальныя тарыфы ў 2016 годзе на 14 відаў жыллёва-камунальных паслуг, прадугледжваецца змена шасці тарыфаў на жыллёва-камунальныя паслугі. У прыватнасці змяншаюцца тарыфы на паслугі водазабеспячэння ў 1,7 разу (з 4.765,9 да 2.790 рублёў за 1 куб. м), водаадвядзення — больш як у 2,2 разу (4.148,8 да 1.863 рублёў за 1 куб. м). Усталёўваецца межавы тарыф на паслугу па тэхнічным абслугоўванні запорна-перагаворных прылад (кодавыя дзверы, дамафоны) жылога дома ў памеры 9.100 рублёў на адну кватэру.
Нагадаем, на нарадзе па пытаннях тарыфаў ЖКГ 14 сакавіка Аляксандр Лукашэнка заявіў: «Чалавеку прыносяць гэтую жыроўку, як у народзе яе называюць, ён паглядзеў — якая там цана?! Ды гэтая жыроўка — чорт ногі зломіць, не кожны эканаміст разбярэцца!»
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга86
Каментары