Прэзідэнт РФ Уладзімір Пуцін падпісаў указ аб прызначэнні Рамзана Кадырава выконваючым абавязкі кіраўніка Чачэнскай рэспублікі.
Падпісваючы ўказ, прэзідэнт выказаў надзею, што Кадыраў возьме ўдзел у выбарах кіраўніка Чачні ў верасні 2016 года.
Як паведамляе «Інтэрфакс», Рамзан Кадыраў у адказ падзякаваў Пуціну за аказаны давер і высокую ацэнку сваёй працы.
«Разлічваю на тое, што жыхары Чачні, чачэнскі народ змогуць ацаніць па заслугах падчас выбарчай кампаніі і выбараў тое, што вы зрабілі для рэспублікі», — сказаў Пуцін. «Але паўтару яшчэ раз, што мы не можам здавольвацца тым, што зроблена, а трэба заўсёды глядзець у будучыню, і мы ведаем, што мы можам і павінны зрабіць для нашых людзей больш», — падкрэсліў ён.
Тэрмін паўнамоцтваў Рамзана Кадырава на чале Чачэнскай рэспублікі мінае 5 красавіка. З пачатку года Кадыраў некалькі разоў заяўляў, што гатовы пакінуць сваю пасаду, калі так вырашыць прэзідэнт Расіі. Кадыраў узначальвае Чачню з 2007 года.
Цяпер чытаюць
Шаснаццаць градусаў. Расійскі карэспандэнт паскардзіўся, што змерз у лукашэнкаўскім палацы20
Каментары