Прэзідэнт Расіі Уладзімір Пуцін выступіў з рэзкай заявай пра краіны Захаду падчас прэс-канферэнцыі па выніках саміту ЕАЭС у Мінску. Паводле слоў Пуціна, заходнія дзяржавы пастаянна «хаваюць» Расію, аднак, як заявіў ён, «самі хутка здохнуць».
«Што ў іх там адбываецца? Яны ўвесь час нас хаваюць. Самі хутка здохнуць там, а нас хаваюць, не перастаючы», — заявіў Пуцін.
Ён таксама нагадаў, што эканоміка Расіі, згодна з афіцыйнымі данымі, у 2023 годзе вырасла на 4,3%, але ў 2024-м паказчыкі будуць больш сціплыя — у сувязі з мерамі па стрымліванні інфляцыі.
Падчас свайго выступлення 26 чэрвеня на пленарным пасяджэнні Еўразійскага эканамічнага форуму Пуцін падкрэсліў, што ЕАЭС адкрыты да супрацоўніцтва з рознымі міжнароднымі аб’яднаннямі — БРІКС, СНД, ШАС, АСЕАН і Афрыканскім саюзам. Ён адзначыў, што сувязі з гэтымі структурамі актыўна развіваюцца.
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары