Зусім хутка жыхары Туманнага Альбіёна змогуць карыстацца паслугамі метрапалітэна круглыя суткі. З 19 жніўня кругласутачна перавозіць пасажыраў будуць цягнікі на ветках Central і Victoria.
Крыху пазней, ужо восенню, і раніцай, і ноччу метро будзе працаваць на лініях Jubilee, Northern і Piccadilly. Як сказаў мэр Лондана Садзік Хан, такі графік работы метрапалітэна неабходны, каб рэалізаваць яго ўласныя планы па падтрымцы эканомікі брытанскай сталіцы ў начны час. Кіраўнік горада лічыць, што такая мера створыць больш рабочых месц, а ў лонданцаў з'явіцца больш магчымасцей.
Перавесці на 24-гадзінны рэжым работы лонданскую падземку ўлады планавалі яшчэ ў верасні мінулага года. Аднак нічога не атрымалася: машыністы не згадзіліся працаваць ноччу без значнага павышэння зарплаты. Такая недагаворанасць паміж сталічнымі ўладамі і работнікамі метро вылілася ў серыю забастовак, у выніку якіх гэты від грамадскага транспарту быў поўнасцю недаступны. Такое ў брытанскай сталіцы было ўпершыню за 13 гадоў. Пазней дамовіцца ўсё ж удалося: умовы машыністаў былі выкананы, і ўсе канфліктуючыя бакі засталіся задаволенымі.
-
ЗША рыхтуюць новыя санкцыі супраць расійскай нафты, калі Расія адхіліць мірнае пагадненне
-
Дарадчыца Трампа ахарактарызавала яго як помслівую асобу з характарам алкаголіка, а Маска — як кетаміншчыка
-
Спікер Сейма Літвы дапусціў змяненне адносін з Беларуссю: адны толькі санкцыі даюць вынік, але не канчатковы
Цяпер чытаюць
Бабарыка тры хвіліны адказваў на пытанне, чый Крым. Так і не адказаў145
Каментары