Спорт33

БАТЭ мінімальна перамог ірландскі «Дандалк» — 1:0 АНЛАЙН

22:52

Гульня скончылася. БАТЭ перамог з мінімальным лікам 1:0. Гэта, канечне. Нейкі запас перад выездам у Ірландыю ўсё ж будзе. Дзякуй усім, хто быў сёння з намі.

22:50

Дзве хвіліны да асноўнага часу дадаў украінскі арбітр.

22:46

Апошняя замена ў складзе БАТЭ. Карніцкі сышоў, Аляксандр Валадзько выйшаў.

22:43

Вельмі добры шанец быў у Ігара Стасевіча. А пасля яшчэ Дубра галавой трапляе ў папярэчыну. Другая бэлька за гульню, што за нешанцаванне?

22:38

Пасля гола гульня істотна не змянілася. Руцінныя атакі БАТЭ, гераічныя адбіванні «Дандалка». Добра было б яшчэ адзін гол забіць, каб спакайней адчуваць сябе праз тыдзень у Ірландыі.

22:29

Гол!!! Забівае Міхаіл Гардзяйчук — 1:0. Хто б вы думалі аддаў галявы пас? Канечне, Аляксандр Глеб. Ну нарэшце!

Двойчы згулялі замены Аляксандра Ермаковіча.

22:27

Здымаюць мяч з галавы Ігара Стасевіча.

У БАТЭ другая замена: замест Міркі Іваніча выйшаў Міхаіл Гардзяйчук.

22:20

Адразу абвастрэнне, аднак Іваніч не трапіў па мячы ў самы важны момант.

22:18

Глеб замяняў крайняга абаронцу Максіма Жаўнерчыка. Нечаканая замена.

22:17

На замену рыхтуецца выйсці Аляксандр Глеб. Паглядзім, што прыдумае ветэран.

22:13

Аляксей Рыас прабіў па цэнтры варот — Роджэрс на месцы.

22:12

Катастрафічна бракуе вастрыні ў атаках БАТЭ.

22:06

Іваніч раскідаў у штрафной абаронцаў ірландцаў, але ўдар атрымаўся не самым моцным — Роджэрс справіўся.

22:04

Другі тайм стартаваў. У складзе «Дандалка» аж дзве замены. БАТЭ пакуль нічога не мяняе.

21:48

Перапынак — 0:0. БАТЭ відавочна мацнейшы, але галы трэба забіваць.

21:44

Аляксей Рыас не змог прапіхнуць мяч у вароты ў перспектыўным становішчы. Быў яшчэ адзін някепскі момант.

21:42

Ігар Стасевіч прабіў у блізкі кут. Брамнік спакойна справіўся з мячом, але зафіксуем першы ўдар у створ.

21:40

Няма небяспечных момантаў. Выглядае, што першы тайм скончыцца з лікам 0:0, калі не адбудзецца нічога надзвычайнага.

21:35

Сэрца ёкнула. Вельмі небяспечна атакаваў «Дандалк». Сяргей Верамко не дужа ўпэўнена згуляў на прыёме мяча, аднак усё ж перавёў на кутавы.

21:32

Перавага па валоданню мячом нарошчваецца. Ужо 77 на 23. Але пры гэтым у БАТЭ няма яшчэ ніводнага ўдара ў створ.

21:30

Жаўнерчык пратараніў кагосьці з гульцоў «Дандалка». Справядлівая жоўтая картка.

21:25

Іваніч спрабаваў ударыць з лёту, пасля таго як мяч адскочыў да яго на межы штрафной, — міма.

21:22

Віталь Радзівонаў тэрарызуе ірландскія валоданні, але мяч не ідзе ў сетку. Тым не менш, ёсць адчуванне, што гол недзе побач.

21:20

Радзівонаў расстрэльваў вароты Роджэрса, але мяч прыняла на сябе бэлька.

21:18

Працэнт валодання мячом на дадзены момант 71 на 29 на карысць БАТЭ.

21:17

Вастрыня ля варот «Дандалка». На жаль, да мэтанакіраванага ўдара па браме не дайшло. Паддушвае БАТЭ суперніка.

21:11

Цэлыя дзве трыбуны аддалі вайскоўцам. Дзве вялікія зялёныя плямы на стадыёне.

Па разе памыляліся абаронцы каманд, але да галоў не дайшло.

21:09

Першую небяспечную атаку правялі ірландцы, але шанцаў не скарысталіся — усяго толькі ўдар ад варот.

21:04

Першы небяспечны момант узнікае ля варот «Дандалка» на 3-яй хвіліне. Мірка Іваніч адпасаваў у цэнтр на Ігара Стасевіча, але паўабаронца ўдарыў крыху вышэй варот.

21:01

Гульня пачынаецца з атак БАТЭ.

20:59

Футбалісты выйшлі на поле. На жаль, гімна Лігі чэмпіёнаў на такіх стадыях адбору яшчэ не бывае.

20:58

Судзіць сустрэчу ўкраінскі арбітр Яўген Араноўскі.

20:55

Да аншлагу, мабыць, крыху не дацягне, але людзей на трыбунах вельмі шмат.

БАТЭ будзе гуляць у сіняй форме, «Дандалк» — у белай.

20:52

У Барысаве выдатнае надвор'е — +24. Гуляць будзе ў кайф.

Заўзятарам прапануюць зрабіць сэлфі. Аўтар найлепшага атрымае фірмовую майку ад вядучай Ганны Бонд.

20:47

Звяртае ўвагу, што ў асноўны склад на ролю дырыжора атак вярнуўся серб Мірка Іваніч. У сваю чаргу Аляксандр Карніцкі апусціўся ў апорную зону.

Таксама траўму залячыў цэнтральны абаронца Каспарс Дубра.

У запасе застаўся Аляксандр Глеб, для якога гульня з «Дандалкам» можа стаць першай пасля чарговага вяртання.

20:45

Склады каманд.

БАТЭ: Верамко, Жаўнерчык, Палякоў, Дубра, Пік, Кендыш, Карніцкі, Іваніч, Рыас, Стасевіч, Радзівонаў.

«Дандалк»: Роджэрс, Гэнан, Бойл, О'Донэл, Хорган, МакМілан, Фін, МакЭліні, Мэсі, Барэт, Бэнсан.

***

БАТЭ праводзіць першы матч трэцяга кваліфікацыйнага раўнда Лігі чэмпіёнаў. На «Барысаў-Арэне» наша каманда прымае ірландскі «Дандалк».

У папярэднім раўндзе наш чэмпіён аказаўся мацнейшым за фінскі СІК – 2:0, 2:2. А «Дандалк» дзякуючы большай колькасці галоў забітых у гасцях прайшоў ісландскі «Хабнарф’ёрдзюр» – 1:1, 2:2.

Нагадаем, што чэмпіёны Беларусі і Ірландыі ўжо сустракаліся летась. Тады ва ўпартай барацьбе БАТЭ перамог з лікам 2:1, 0:0.

«Наша Ніва» будзе сачыць за ходам гульні, заставайцеся з намі.

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця25

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця

Усе навіны →
Усе навіны

Зайцы з вялікімі морквамі і чырвона-зялёны ветразь. У Смаргоні прайшоў конкурс «Плаванне на чым папала» ШМАТ ФОТА7

Невядомыя стварылі фэйкавы сайт Сяргея Ціханоўскага і збіраюць інфармацыю7

Праўладнай блогерцы Анджалішы зрабілі прапанову рукі і сэрца ў Дзень Незалежнасці13

Прайшлі вобшукі ў былога міністра абароны Украіны Рэзнікава4

Праверка «БайХэлпа» выявіла ўцечку даных20

«Засталася трывога, якая не адпускае нават ноччу». Былы палітвязень Сяргей Шэлег просіць аб дапамозе7

У Замбіі звар'яцелая сланіха забіла дзвюх турыстак3

Беларус узяў крэдыт «На родныя тавары», каб купіць матацыкл «Мінск». Той аказаўся кітайскім3

«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні20

больш чытаных навін
больш лайканых навін

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця25

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця

Галоўнае
Усе навіны →

Заўвага:

 

 

 

 

Закрыць Паведаміць