У чацвер, 28 ліпеня, на поўдні Францыі паліцыя затрымала трох мужчын, якія крычалі з лодкі «Алаху Акбар». Пра гэта паведамляе rfi.fr са спасылкай на Reuters.
Мужчыны на лодцы былі затрыманыя непадалёк ад Марсэля, у Касісе. Па паведамленні пракуратуры, яны выкрыквалі «Алаху Акбар».
Таксама сёння стала вядома, што прэзідэнт Франсуа Алянд заявіў, што ў Францыі будзе створана Нацыянальная гвардыя, якая павінна будзе аказваць дапамогу сілам правапарадку ў барацьбе з тэрарыстычнай пагрозай.
Нацгвардыя будзе створана на аснове «існуючага аперацыйнага рэзерву», — удакладняе ў сваім камюніке Елісейскі палац. Чакаецца, што гвардзейцы пачнуць да выканання абавязкаў у пачатку восені.
Аланд адзначыў, што мэта рэзервістаў «не падмяняць сабой сілы правапарадку, але дапамагаць ім, узмацняць іх».
Пасля тэракту ў Ніцы 14 ліпеня Алянд абвясціў пра мабілізацыю рэзерву арміі, паліцыі і жандармерыі для гарантавання бяспекі ў краіне. Прэзідэнт таксама заклікаў французаў запісвацца ў рэзервісты.
Чакаецца, што да канца ліпеня аператыўны рэзерв паліцыі і жандармерыі складзе каля 15 тысяч чалавек.
Каментары