ВПС ЗША: Паводзіны расійскіх пілотаў сведчаць пра непрафесіяналізм
Расійская вайсковая авіяцыя ў апошнія гады паводзіць сябе празмерна правакацыйна, што сведчыць пра слабы прафесійны ўзровень, адзначыў на днях начальнік штаба ВПС ЗША Дэвід Голдфейн.
Пра словы Голдфейна падчас брыфінгу-справаздачы ВПС ЗША паведаміў партал militarytimes.com.
Толькі ў гэтым годзе расійскія самалёты некалькі разоў паводзілі сябе небяспечна побач з амерыканскімі машынамі, у тым ліку бамбардзіроўшчык Су-24 вельмі нізка праляцеў побач з эсмінцам «Дональд Кук» у Чорным моры.
Інцыдэнты адбываліся і з самалётамі іншых заходніх краін, нават грамадзянскімі лайнерамі. Да таго ж, у чэрвені баявыя самалёты РФ нанеслі ў Сірыі бомбавы ўдар па базе, якая выкарыстоўвалася амерыканскім падраздзяленнем спецыяльнага прызначэння, нягледзячы на неаднаразовыя папярэджанні.
«50 год мы перахоплівалі адзін аднаго ў міжнароднай прасторы. Можна было б спытацца: чаму мы гэта рабілі? Таму што мы прытрымліваліся пэўных правілаў», — сказаў Голдфейн, сам былы пілот F-16.
«Я вельмі занепакоены парай нядаўніх інцыдэнтаў з удзелам расіян, таму што яны паказваюць непрафесіяналізм, у адрозненне ад таго, што мы бачылі раней [у часы Халоднай вайны]», — дадаў генерал.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6363
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне63
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары