Арбітры Сусветнай гандлёвай арганізацыі (СГА) падтрымалі Еўрасаюз у спрэчцы з Расіяй адносна пошлін на ўвоз еўрапейскіх халадзільнікаў, пальмавага алею і папяровай прадукцыі.
Арбітры вызначылі, што Расія карысталася завышанымі пошлінамі на ўвоз гэтых прадуктаў з ЕС, адыходзячы тым самым ад Генеральнага пагаднення па тарыфах і гандлі 1994 года.
Еўрасаюз аспрэчваў усяго 12 расійскіх мер, якія адносяцца да прымянення тарыфаў на імпарт еўрапейскіх тавараў. Панэль арбітраў прызнала, што 11 з гэтых мер парушаюць абавязацельствы Расіі, узятыя пры уступленні ў СГА. Яшчэ адна, 12-я, прэтэнзія ЕС датычылася «сістэматычнага вар'іравання пошлін» з боку Расіі, але панэль СГА палічыла гэтую прэтэнзію неабгрунтаванай, паведамляецца на сайце арганізацыі.
У сваім рашэнні арбітры зафіксавалі расійскія парушэнні на дату стварэння трацейскай групы (25 сакавіка 2015 года). Аднак Расія з таго часу выправіла большасць парушэнняў.
Усе спрэчныя тарыфы, акрамя двух, ужо былі прыведзены ў адпаведнасць з абавязальніцтвамі, а тыя, што засталіся два — на паперу і халадзільнікі — будуць адаптаваныя ў бліжэйшы час, гаворыцца ў прэс-рэлізе Мінэканомразвіцця РФ, выпушчаным пасля публікацыі рашэння СГА.
Экспарт папяровай прадукцыі ў Расію складае каля €240 млн у год, пальмавага алею — €50 млн, халадзільнікаў — €150 млн, вынікае з матэрыялаў Еўракамісіі.
Апублікаванае ў пятніцу рашэнне — першае ў рамках механізму ўрэгулявання спрэчак СГА, якое тычыцца Расіі з часу яе ўступлення ў арганізацыю ў 2012 годзе.
На разглядзе СГА знаходзяцца яшчэ некалькі спрэчак ЕС з Расіяй, у тым ліку наконт забароны на імпарт еўрапейскай свініны і наконт утылізацыйнага збору РФ на аўтамабілі.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6363
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне63
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары