За яе на варшаўскім аўкцыёне «Лямус» змагаўся таксама адзін беларускі бізнэсовец, але, па ягоным прызнаньні, выкласьці такія грошы ён быў не гатовы. А купіла яе Нацыянальная бібліятэка Польшчы.
За яе на варшаўскім аўкцыёне «Лямус» змагаўся таксама адзін беларускі бізнэсовец, але, па ягоным прызнаньні, выкласьці такія грошы ён быў не гатовы. А купіла яе Нацыянальная бібліятэка Польшчы.
Стары Замак, мост церазь Нёман і ўсе цэрквы — манумэнтальная панарама Горадні паўстае на гэтым медзярыце 1568 году. Гравюра Цюндта памерам 36 на 102 сантымэтры паказвае горад у часе прыгатаваньняў да Люблінскае уніі. На першым пляне маршалак Валовіч вітае пасольства цара Івана Жахлівага. У далечыні адкрываецца панарама места. Яе змаляваў у ліпені 1568 году відавочца, Яна Адэльгаўзэр. А Матыяс Цюндт (1498-1572), знакаміты нюрнбэрскі медзярытнік, перанёс у форму гравюры. Гэта сапраўдны рарытэт: вядомыя ўсяго некалькі захаваных арыгіналаў гэтай працы. Ніводзін зь іх не знаходзіцца ў Беларусі.
Адна зь іх, з прыватнай калекцыі, выстаўленая на антыкварны аўкцыён у Варшаве. Ён адбыўся 7 чэрвеня.
Пачатковая цана «Vera designatio urbis in Littavia Grodnae» — так гучыць поўная назва гравюры — складала 40 тысячаў злотых (18,5 тыс. даляраў). Продажная — амаль у 2,5 разу большая — 95 тысячаў злотых.
За яе на варшаўскім аўкцыёне “Лямус” змагаўся таксама адзін беларускі бізнэсовец, але, па ягоным прызнаньні, выкласьці такія грошы ён быў не гатовы.
У выніку яна адправіцца ў Нацыянальную бібліятэку Польшчы.
Затое беларускі калекцыянер, які пажадаў застацца невядомым, купіў у часе аўкцыёну сьціплы партрэт апошняга караля Рэчы Паспалітай Станіслава Аўгуста Панятоўскага.
Каталёг аўкцыёну ў фармаце ПДФ даступны тутака.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю33
Каментары