Суддзя Аляксандр Шылін прызнаў актывіста Руху вінаватым у парушэнні артыкула 23.34 КоАП РБ і пакараў яго штрафам у 700 тысяч рублёў.
Довады адваката пра тое, што ў Слоніме адбываўся не сход, а звычайная сустрэча з людзьмі, бо не было вызначана канкрэтнае месца і час збору, суддзя не ўлічыў.
– У нас ёсць падставы лічыць, што міліцэйскі рапарт складзены заднім чыслом, бо ён з’явіўся толькі тады, калі стала зразумела, што справа не можа грунтавацца на ананімцы. Міліцыянты не прынеслі у суд журнал рэгістрацыі рапартоў, пра што мы хадайнічалі, – распавядае Алесь Масюк.
Супраць Масюка сведчылі 3 міліцыянты. Адзін з іх сцвярджаў, што актывіст Руху падыходзіў да прадпрымальнікаў і запрашаў іх на сустрэчу з Аляксандрам Мілінкевічам.
Ад напісання рапарту да складання пратаколу па Законе мусіць прайсці не болей 10 дзён. Пратакол на Масюка быў складзены праз месяц. Суддзя Аляксандр Шылін не заўважыў гэтага парушэння. Хадайніцтва актывіста Руху аб прыцягненні дадатковых сведкаў суддзя адхіліў. Ён таксама адхіліў хадайніцтва пра свой адвод.
Суд Слонімскага раёна прызнаў Алеся Масюка вінаватым у «арганізацыі несанкцыянаванай акцыі» (арт. 23.34 КоАП РБ) і пакараў яго штрафам у 700 тысяч рублёў.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6565
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне65
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары