Грамадзяніна Беларусі, які напаў у Маскве на журналіста Лабкова, асудзілі на два гады калоніі
Грамадзянін Беларусі Аляксандр Шэлонік, які напаў у верасні на вядучага тэлеканала «Дождь» Паўла Лабкова, атрымаў два гады калоніі агульнага рэжыму.
Падчас судовага паседжання пракурор сказаў, што абвінавачваны мужчына не судзімы і цалкам прызнаў віну. Абвінавачванне прасіла прысудзіць яго да двух з паловай гадоў пазбаўлення волі. Абарона прасіла прызначыць пакаранне, не звязанае з пазбаўленнем волі.
Па версіі следства, Шэлонік з саўдзельнікамі напаў на Лабкова і яго знаёмага на 4-ай Цвярской-Ямской вуліцы ў Маскве. Ён скраў у іх грошы і мабільныя тэлефоны.
Па факце нападу была заведзена крымінальная справа па ч. 2 арт. 161 Крымінальнага кодэкса Расіі (рабаванне, здзейсненае групай асоб з прымяненнем гвалту).
Сам Лабкоў, каментуючы напад, казаў, што ён не звязаны з яго прафесійнай дзейнасцю.
Каментары