Супрацоўнікі аддзела па барацьбе з эканамічнымі злачынствамі крымінальнай міліцыі Партызанскага РУУС Мінска ў ходзе правядзення аператыўна-вышуковых мерапрыемстваў затрымалі чацвярых мінчан, якія ажыццявілі незаконны абмен незвычайных грашовых знакаў.
Як паведамілі ў райупраўленні міліцыі, абменнай валютай былі баты (Тайланд), дырхамы ААЭ, фларыны Арубы, кубінскія песа, індыйскія рупіі, эскуда Каба-Вердэ, фунты стэрлінгаў каралеўскага банка Шатландыі.
Двое мінчан з'яўляюцца калекцыянерамі грашовых купюр, а двое прывезлі грошы з месцаў адпачынку. У цяперашні час у дачыненні да чацвёркі складзеныя адміністрацыйныя пратаколы.
«Скупка, продаж, абмен замежнай валюты, якія ажыццяўляюцца без спецыяльнага дазволу (ліцэнзіі) або дзяржаўнай рэгістрацыі, а таксама іншае незаконнае выкарыстанне каштоўных папер і плацежных дакументаў у замежнай валюце цягнуць за сабой адміністрацыйную адказнасць, прадугледжаную артыкулам 11.2 Кодэкса аб адміністрацыйных правапарушэннях, — распавяла намеснік начальніка Партызанскага РУУС Наталля Каляда. — Санкцыя гэтага артыкула цягне накладанне штрафу ў памеры да ста базавых велічынь з канфіскацыяй прадмета адміністрацыйнага правапарушэння».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары