Беларуская чыгунка ад 11 снежня ўводзіць новы графік руху цягнікоў на 2016-2017 гады.
Як паведамляе прэс-служба Белчыгункі, у гэтым графіку ёсць 36 пар цягнікоў гарадскіх лініяў па маршрутах Мінск-Беларусь, Мінск-Рудзенск і Мінск-Смалявічы. У рэгіянальных зносінах будзе 21 пара цягнікоў бізнэс-класа і 340 пар цягнікоў эканомкласа. У міжрэгіянальных зносінах прадугледжана курсіраванне 42 пар цягнікоў, у тым ліку 4 цягнікі эканомкласа пераведзеныя ў катэгорыю бізнэс-класа.
Цяпер Белчыгунка працуе над тым, каб зрабіць хуткімі і камфортнымі паездкі паміж сталіцай і абласнымі цэнтрамі, а таксама паміж буйнымі гарадамі краіны. Напрыклад, па маршруце Гомель-Магілёў будзе хадзіць цягнік бізнэс-класа №720/719, які заменіць цягнік эканомкласа №654/653. Запусцяць і камфартабельныя дызель-цягнікі на маршруце Віцебск-Магілёў — будзе прызначаны цягнік бізнэс-класа №705/706, маршрут якога падоўжаць да Полацка.
На кірунку Мінск-Гомель на сталай аснове прадугледжана курсіраванне цягніка бізнэс-класа №716/715. Таксама тут пусцяць новы цягнік №717/718 Гомель-Мінск па пятніцах і нядзелях, па перадвыходных і перадсвяточных днях. Апроч таго, з 11 снежня электрацягнікі міжрэгіянальных ліній бізнэс-класа №707/708 Гомель-Мінск і №710/709 Мінск-Гомель будуць хадзіць па пятніцах, выходных, перадсвяточных і святочных днях падвоеным саставам (14 вагонаў).
У міжнародных зносінах прадугледжанае курсіраванне 56 пар цягнікоў, 36 з іх — фармавання Белчыгункі. Захаваюцца дзеючыя маршруты да Чарнаморскага ўзбярэжжа. Вызначаныя і цягнікі ў зносінах з Расіяй — №50/49 Брэст-Санкт-Пецярбург, №78/77 Гродна-Масква, №132/131 Брэст-Масква. Гэтыя цягнікі будуць хадзіць штодня з 22 снежня па 9 студзеня, з 23 сакавіка па 3 красавіка, з 27 красавіка па 10 траўня, з 1 чэрвеня па 31 жніўня, з 26 кастрычніка па 8 лістапада.
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары