Кіраўнік прадстаўніцтва тэлеканала «Сетанта-Спорт» у Беларусі Усевалад Маёраў заявіў пра планы паказваць матчы на беларускай мове. Пра гэта піша Трыбуна.
«Цяпер у нас ідзе такая галоўная думка, што матчы беларускага чэмпіянату павінны суправаджацца каментарамі на беларускай мове. Гэта ж пэўная фішка. На «Беларусь 5», напрыклад, адзінкі здольныя гэта зрабіць. Пры адборы нашых каментатараў адным з прыярытэтаў будзе ўменне добра размаўляць на беларускай мове. Ва ўсякім выпадку, да гэтага трэба рухацца.
Браць каментатараў з «Беларусь 5»? Напэўна, будзе правільна, калі мы прывабім новыя твары. Упэўнены, знойдзем галасы. «Сетанта» знайшла з Беларусі каментатараў у Ірландыю. Няўжо мы на месцы не зможам гэта зрабіць? Ёсць вялікая колькасць нармальных хлопцаў, якія добра валодаюць як спортам, так і мовай. Тут ужо пытанне спецыфікі: проста ведаць спорт — мала. Трэба ўмець яго данесці».
Туск заявіў пра гатоўнасць адкрыць Баброўнікі і Кузніцу з лістапада55
Каментары