Прэзідэнт ЗША Дональд Трамп і члены яго адміністрацыі прыцягваюць увагу крытыкаў літаральна любым сваім неасцярожным дзеяннем. Чарговая прычына для абмеркавання таго, што Трамп не пасуе для сваёй цяперашняй працы, — фатаграфія, на якой яго дарадчыца Келіэн Конуэй ў фрывольнай позе сядзіць на канапе ў кабінеце прэзідэнта.
У панядзелак, 27 лютага, Дональд Трамп сустракаўся ў Авальным кабінеце з прадстаўнікамі ўніверсітэтаў, у якіх традыцыйна вучыліся і выкладалі афраамерыканцы. У нейкі момант Келіэн Конуэй (дарадчыца Трампа, яна ў асноўным адказвае за камунікацыю і часта выступае ад імя прэзідэнта) вырашыла зрабіць агульную фатаграфію прысутных у памяшканні на тэлефон - і для гэтага забралася з нагамі на канапу, а потым, не мяняючы позы, стала нешта рабіць у тэлефоне. У гэты час яе сфатаграфаваў Брэндан Смялоўскі з агенцтва AFP.
Поза Конуэй шматлікім здалася недарэчнай і непаважлівай - як у адносінах да Белага дома, так і ў адносінах да прысутных афраамерыканцаў. У твітары нават з'явіўся хештег #CouchGate - «канапагейт». Зрэшты, апаненты крытыкаў Конуэй адразу нагадалі, што Барак Абама вельмі любіў фатаграфавацца, закінуўшы ногі на прэзідэнцкі стол.
omfg charmander in the oval office#Pokemongogen2@nycsouthpaw pic.twitter.com/bnRnMLkQZu
Зрэшты, далёка не ўсе праціўнікі адміністрацыі Трампа палічылі гэты сюжэт годным таго, каб звяртаць на яго ўвагу, а рэдактар выдання Mother Jones назваў шум вакол фатаграфіі «самым ідыёцкім у гісторыі».
Сама Конуэй прэтэнзіі пакуль ніяк не пракаментавала
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка21
Каментары