Дзевяць членаў сям'і Скарабагатых сустракалі з сутак хлопца, які вызваліў людзей з «сіняга буса» ФОТА
Арцём Скарабагаты апошнія тры дні правеў у камеры адзін. Хлопец, які вызваліў сяброў з «сіняга буса», атрымаў найвялікшы тэрмін — 15 сутак — з асуджаных за мітынг 15 сакавіка.
Арцёма разам з іншымі гвалтоўна выцягнулі з тралейбуса 37-га маршрута. Маладзён стаў вядомы дзякуючы таму, што здолеў адчыніць дзверы міліцэйскага мікрааўтобуса і выпусціць людзей. Самому збегчы не ўдалося. Арцём распавеў, як адважыўся на такі рызыкоўны крок:
«Я пабачыў, што ў дзвярах аўтобуса вырваная верхняя зашчапка. Мне заставалася прасунуць палец, каб заціснуць ніжнюю і адчыніць дзверы. Шкадую, што спыніў на скрыжаванні, а не падчас руху, бо маглі збегчы ўсе. Мяне самога пасля пабілі, але пасля двух гадоў тайскага боксу ўдары па галаве і корпусе не так адчуваюцца. Вось калі б павалілі і ўсе разам піналі, была б іншая справа».
Скарабагаты планаваў прабыць у Мінску адзін дзень, але застаўся на 15 сутак. Хлопец жыве і навучаецца ў Польшчы. Там яго чакалі два вялізныя сабакі, якіх хлопец забраў з прытулку.
Апошні раз Арцём знаходзіўся ў Жодзінскім ІЧУ пасля Плошчы—2006. «З таго часу нічога не змянілася, жудаснае харчаванне, адсутнічае гарачая вада, нас не вадзілі ў душ. Мы набіралі ваду ў пластыкавыя бутэлькі, ставілі на батарэю і абліваліся нагрэтай вадой».
Вострай праблемай для маладзёна сталася харчаванне, бо хлопец з'яўляецца веганам (не ўжывае мяса, рыбу і малочныя прадукты). Штодзённы рацыён арыштанта складала каша на сняданак і час ад часу бульбяное пюрэ на вячэру.
Арцёма прыехала сустракаць сям'я Скарабагатых. Усяго ў сям'і 11 чалавек.
-
Дзмітрый «Шэры кот» Казлоў — пра тое, як стаў палітычным блогерам і за гэта аказаўся за кратамі. А цяпер будуе новае жыццё ў выгнанні
-
З пачатку года колькасць беларусаў у Літве з дазволам на пражыванне зменшылася на 10%
-
Жыхары вёскі пад Баранавічамі папрасілі ў чыноўнікаў заасфальтаваць дарогу. Тыя геніяльна вырашылі праблему
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары