На дыскатэцы ў Мсціславе п'яная кампанія пабіла міліцыянтку, якая прыехала іх супакоіць
У кастрычніку 2016 года кампанія маладзёнаў са Слаўгарада завітала на дыскатэку ў суседні Мсціслаў.
Набраўшыся алкаголем, хлопцы пачалі буяніць так, што супрацоўнікам клуба давялося звярнуцца ў міліцыю — рэагаваць на выклік адправілі інспектара па справах непаўналетніх, жанчыну.
На жанчыну ў форме кампанія адрэагавала нэрвова — адзін з маладзёнаў, 26-гадовы хлопец, ударыў яе кулаком па твары, ад чаго тая ўпала на падлогу. Хлопец не спыніўся і працягнуў яе збіваць, чым нанёс лёгкія цялесныя пашкоджанні ў трактоўцы Крымінальнага кодэкса.
За гэты ўчынак маладзёна прысудзілі да пазбаўлення волі на 2 гады 2 месяцы ў калоніі ўзмоцненага рэжыму.
Цяпер чытаюць
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада9
Каментары