Грамадства2424

За гібель школьніцы з Маладзечна на ўборцы бульбы будуць судзіць дзвюх настаўніц

Дзве настаўніцы з Маладзечна паўстануць перад судом праз смерць вучаніцы, паведамілі БЕЛТА ў пракуратуры Мінскай вобласці.

Пракуратура Мінскай вобласці накіравала ў суд Маладзечанскага раёна крымінальную справу ў дачыненні да настаўніц сярэдняй школы №11 Маладзечна, якія абвінавачваюцца ў неналежным выкананні абавязкаў па забеспячэнні бяспекі жыцця і здароўя вучаніцы 8-га класа падчас выканання сельгасработ, што пацягнула па неасцярожнасці смерць дзяўчынкі.

Папярэдняе расследаванне паводле крымінальнай справы праводзіла ўпраўленне Следчага камітэта па Мінскай вобласці. Выяўлена, што 44-гадовая настаўніца фізікі і 32-гадовая настаўніца замежнай мовы суправаджалі 20 вучняў на сельскагаспадарчае поле ААТ «Усход-Агра» для ўборкі бульбы. У адпаведнасці са сваімі службовымі абавязкамі яны павінны былі забяспечыць бяспеку жыцця і здароўя непаўналетніх — як у шляху, так і падчас уборкі.

Пасля заканчэння работ 29 верасня 2016 года настаўніцы не праявілі ўважлівасць і прадбачлівасць, неналежна выканалі свае абавязкі — не забяспечылі бяспечнае перамяшчэнне навучэнцаў ад месца правядзення сельгасработ да месца пасадкі ў аўтобус. З прычыны гэтага на 13-гадовую дзяўчынку на полі наехаў грузавы самазвал. У выніку ёй былі прычыненыя цяжкія цялесныя пашкоджанні, ад якіх яна памерла на месцы здарэння.

Дзеянні абвінавачаных кваліфікаваныя па ч. 2 арт. 165 КК РБ — неналежнае выкананне абавязкаў па забеспячэнні бяспекі жыцця і здароўя малалетняга асобай, на якую такія абавязкі ўскладзеныя па службе, што пацягнула па неасцярожнасці смерць малалетняга, пры адсутнасці прыкмет службовага злачынства.

Дзейным крымінальным заканадаўствам за ўчыненне такога злачынства прадугледжана пакаранне ў выглядзе пазбаўлення волі на тэрмін да 4 гадоў са штрафам і пазбаўленнем права займаць пэўныя пасады на тэрмін да 5 гадоў.

Каментары24

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?8

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?

Усе навіны →
Усе навіны

У Баранавіцкім раёне жыхары скардзяцца на краму, у якой «немагчыма патраціць грошы»5

У Расіі застрэліўся міністр транспарту, зняты з пасады сёння раніцай2

Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам43

Лідар магілёўскіх фанатаў пасля сутак збіраўся ва Украіну па свабоду, а цяпер ён за Лукашэнку, ГУБАЗіК і Расію9

«Баюся расчараваць прадаўца». Эксперт растлумачыў, чаму манета за 16 тысяч можа быць пераацэненай

Кіраўніцтва Грузіі напісала Трампу абразлівы ліст, калі той заступіў на пасаду6

Камароўскі рынак чакае глабальная рэканструкцыя

Народзе, нагадаем, што на «Нашай Ніве» можна каментаваць, лайкаць і дызлайкаць каменты. Вось якія механізмы бяспекі80

П’яны мінчук збіў дзвюх дзяўчат на касе ў краме5

больш чытаных навін
больш лайканых навін

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?8

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?

Галоўнае
Усе навіны →

Заўвага:

 

 

 

 

Закрыць Паведаміць