З новага навучальнага года ў Беларусі ўступаюць у сілу змены: некаторыя выпускнікі 11-х класаў змогуць не здаваць выпускныя экзамены (ЦЭ), піша БелТА.
Паводле слоў спецыялістаў ведамства, новаўвядзенне было ініцыявана па просьбах бацькоў і датычыцца навучэнцаў, якія маюць медыцынскія супрацьпаказанні.
— З 1 верасня будзе ўведзена норма пра тое, што навучэнцы 11 класаў паводле заключэння доктарскай камісіі змогуць быць вызваленыя ад ЦЭ, — паведаміла кансультант упраўлення агульнай сярэдняй адукацыі Мінадукацыі Анжэла Кудаярава.
Мінздароўя падрыхтуе пералік захворванняў, пры якіх школьнікаў вызваляць ад экзаменацыйных выпрабаванняў.
Як растлумачыў начальнік галоўнага ўпраўлення прафесійнай адукацыі Мінадукацыі Сяргей Пішчоў, правілы паступлення ў ВНУ і каледжы застаюцца ранейшымі. Абітурыенты як і раней павінны прад’яўляць сертыфікаты ЦЭ і ЦТ.
Аднак калі медыцынская камісія афіцыйна прызнае немагчымасць здачы экзаменаў і тэсціравання, такія школьнікі ўсё роўна змогуць паступаць — але з абмежаваннямі: напрыклад, не на ўсе спецыяльнасці.
Акрамя таго, ужо даўно зацверджаны пералік напрамкаў, куды можна паступаць без сертыфікатаў — у асноўным пры ўмове высокай паспяховасці або пасля праходжання ўступных выпрабаванняў.
Цяпер чытаюць
Экс-палітвязень адкрыў збор на сябе — іншыя палітвязні абураныя і кажуць, што ён стукач і махляр1
Каментары