У Вільню па мэблю можна не ездзіць: JYSK адкрыў у Мінску ўжо трэцюю краму ФОТАРЭПАРТАЖ
22 чэрвеня новая крама дацкай сеткі JYSK адкрылася ў Шабанах. У гэты дзень кампанія дае зніжку 30% на ўсе тавары. На адкрыцці крамы кіраўніцтва кампаніі агучыла, што сярэдні чэк беларускіх пакупнікоў вышэйшы, чым, напрыклад, у аналагічных крамах у Эстоніі.
Дацкі рытэйлер JYSK, які займаецца рэалізацыяй тавараў для дома, абвесціў пра выхад на беларускі рынак толькі год таму. За гэты час у Мінску адкрываеццамўжо трэцяя крама, а сама кампанія збіраецца ісці і ў рэгіёны. Па падліках кампаніі, інвестыцыі ў адкрыццё скандынаўскай сеткі крамаў у Беларусі склалі 1,2 мільёна еўра.
Найхутчэй, наступная крама адкрыецца ў адным з гарадоў Віцебшчыны.
Асартымент крамы разлічаны на людзей, якія любяць абнаўляць свой інтэр'ер і ведаюць, як можна стварыць утульнасць у сябе дома. Прастора, прастата і адсутнасць вычварнасці — інтэр'ер у скандынаўскім стылі закліканы размяшчаць гасцей і расслабляць гаспадароў.
Амаль усе тавары ў новай (і ва ўсіх астатніх) краме JYSK разлічаныя на добраўпарадкаванне кватэры. Сантэхнікі, жырандоляў, тавараў для рамонту тут няма. Затое прадаюцца мэбля, ручнікі, дываны, упрыгожанні для дома і дробныя тавары, якія дапамагаюць больш эрганамічна расставіць рэчы ў кватэры.
Гандлёвую сетку JYSK заснаваў Ларс Ларсен у 1979 годзе ў Даніі. Сёння яна налічвае больш за 2300 крамаў і за 20 тысяч супрацоўнікаў у 41 краіне свету (пераважна ў Еўропе). Гадавы абарот сеткі — 2,9 мільярда еўра. Кампанія актыўна вядзе сваю дзейнасць у краінах Балтыі, Польшчы і Украіне. У Расіі крамаў JYSK няма.
Адрас і расклад працы крамы:
9.00 — 22.00. Мінск, Партызанскі праспект, 182 (гіпермаркет ProStore).
JYSK — сон і жыццё па-скандынаўску.
СП «ПРАЙМЭРИ» ТАА УНП 101132766
Цяпер чытаюць
Ці атрымаецца ва ўладаў вярнуць дзяцей мігрантаў у беларускія школы? Наўрад ці, але яны спрабуюць — прымусова3
Каментары