Эканоміка33

Былы топ-менеджар «Прастора» выводзіць на рынак Беларусі дацкую кампанію JYSK — канкурэнта IKEA

Дацкі рытэйлер JYSK, які займаецца рэалізацыяй тавараў для дома, абвясціў пра выхад на беларускі рынак.

У кампаніі, якая з'яўляецца адным з канкурэнтаў шведскай IKEA, звярнулі ўвагу на тое, што беларусы даволі частыя наведвальнікі такіх крам у краінах Балтыі, і вырашылі ўжо ў лістападзе запусціць у Мінску першы падобны гандлёвы аб'ект. Глабальная мэта — на працягу 10 гадоў адкрыць у Беларусі 25 «юскаў».

Гандлёвую сетку JYSK заснаваў Ларс Ларсен у 1979 годзе ў Даніі. Сёння яна налічвае больш за 2300 крам і за 20 тыс. супрацоўнікаў у 41 краіне свету (пераважна ў Еўропе). Гадавы абарот сеткі — 2,9 млрд еўра. Кампанія актыўна вядзе сваю дзейнасьць у краінах Балтыі, Польшчы і Украіне. У Расіі крам JYSK няма.

Адкрыць свой першы магазін у Мінску дацкая сетка плануе ўжо на пачатку лістапада, паведаміла TUT.BY дырэктар па маркетынгу JYSK у краінах Балтыі і Беларусі Анжаліка Зорына. «Месцазнаходжанне першай крамы і канкрэтная дата адкрыцця яшчэ не вядомыя, бо магчымыя лакацыі яшчэ знаходзяцца на стадыі абмеркаванняў», — сказала яна. JYSK пакуль разглядае варыянт толькі арэнды плошчаў, не выкупляючы іх.

Аб'ём інвестыцый у адкрыццё першага аб'екта сеткі складзе каля паўмільёна еўра. «Кампанія заходзіць у Беларусь праз ісландскую кампанію, якая валодае франшызай ў Прыбалтыцы, Канадзе, Ісландыі і Беларусі. Франшыза — цалкам скандынаўскі бізнэс і інвестыцыі», — сказала Зорына.

«Юск» ужо пачаў падбор ключавых супрацоўнікаў для працы ў Беларусі. Так, дырэктарам па развіцці бізнэсу JYSK у Беларусі стаў Іварс Краўчунс, які да гэтага працаваў у «Прасторы» камерцыйным дырэктарам.

Па словах экспертаў, для JYSK важна заняць рынак раней за яе асноўнага канкурэнта ў Еўропе — шведскую IKEA, якая пакуль адмовілася ад развіцця ў Беларусі. Зорына ж сцвярджае, што адсутнасць IKEA не з'яўляецца асноўнай прычынай выхаду на рынак Беларусі. «У Літве IKEA прысутнічае і бізнес JYSK паспяхова працягвае развівацца», — кажа яна. «У Беларусі ёсць патэнцыял для JYSK, бо ўжо цяпер у Балтыі мы бачым пакупнікоў з Мінска, якія наведваюць нашы крамы», — дадала дырэктар па маркетынгу.

Анжаліка Зорына паведаміла, што ў крамах JYSK будуць прадстаўленыя традыцыйныя для гэтай сеткі тавары, у тым ліку беларускай вытворчасці. «Мы праводзім перамовы з беларускімі кампаніямі, і яны будуць абавязкова прысутнічаць у нашых крамах. Наша каманда цяпер працуе на тое, каб мець добрая прапановы для пакупнікоў у Беларусі, асабліва ў такіх катэгорыях, як мэбля і тэкстыль для дома», — рэзюмавала Зорына.

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Гомелі закрылі забягалаўку прадпрымальніка-лукашыста і знішчылі яго плакат са Сталіным11

У Гомелі закрылі забягалаўку прадпрымальніка-лукашыста і знішчылі яго плакат са Сталіным

Усе навіны →
Усе навіны

Іран прыпыніў здабычу газу на найбуйнейшым у свеце радовішчы

Пасля разносу Лукашэнкі «Беларусьфільм» бярэцца ствараць «лінейку сваіх серыялаў»4

«Гэта не самы прывабны варыянт». Што думаюць беларусы пра ўвядзенне Грузіяй трохгадовага ДНЖ для айцішнікаў2

Трамп не збіраецца падпісваць заяву G7 па пытанні ізраільска-іранскага канфлікту

Чаму расіяне аддалі ўкраінцам целы забітых, а тыя — не?8

Колькасць вакансій у Беларусі ў 54 разы большая, чым зарэгістраваных беспрацоўных1

Для аграсядзіб рыхтуюць новыя абмежаванні2

Беларусаў папярэдзілі пра візавую пастку пры наведванні Сербіі і Чарнагорыі2

Мерц катэгарычна супраць пасярэдніцтва Пуціна на Блізкім Усходзе2

больш чытаных навін
больш лайканых навін

У Гомелі закрылі забягалаўку прадпрымальніка-лукашыста і знішчылі яго плакат са Сталіным11

У Гомелі закрылі забягалаўку прадпрымальніка-лукашыста і знішчылі яго плакат са Сталіным

Галоўнае
Усе навіны →

Заўвага:

 

 

 

 

Закрыць Паведаміць