44-гадовы беларускі лыжнік Сяргей Далідовіч сабраў 100% неабходнай сумы (30 тыс. рублёў) для ўдзелу ў Зімовых алімпійскіх гульнях, што пройдуць у лютым 2019 года ў Паўднёвай Карэі. Гэта будуць сёмыя Гульні спартоўца, які бярэ ў іх удзел ад 1994 года.
Пра гэта паведамляецца на платформе Talaka, дзе праводзіўся збор.
Па стане на 18:51 19 жніўня сабрана 30 275 рублёў, праект падтрымаў 121 чалавек, але ён яшчэ не скончаны. Да завяршэння кампаніі засталося 48 дзён.
«Так выйшла, што з-за розных абставінаў я не маю магчымасці трэніравацца з нацыянальнай зборнай. У нейкі момант нехта палічыў, што Далідовіч занадта стары для таго, каб заставацца найлепшым лыжнікам Беларусі. Мне здаецца, гэта несправядліва, калі мая галоўная віна — узрост. Гатовы даказаць на лыжні, што менавіта я варты прадстаўляць краіну на Алімпіядзе 2018», — пісаў некалькі дзён таму Сяргей, абвясціўшы збор грошай.
«Зараз я магу трэніравацца самастойна ў Раўбічах, пакуль з мяне не патрабуюць грошай за выкарыстанне спарткомплексу. Маёй спартыўнай пенсіі ў 350 рублёў хапае на транспартныя выдаткі і харчаванне. Аднак для таго, каб патрапіць на Алімпіяду, неабходна прыняць удзел у адборачных спаборніцтвах і прайсці зборы за мяжой. Па маіх падліках, падрыхтоўка на ўзроўні нацыянальнай зборнай абыйдзецца ў 30 тысяч рублёў. Гэтую суму неабходна сабраць да пачатку кастрычніка».
І вось грошы сабраныя.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары