Прэс-служба Лукашэнкі пра загадкавае ФОТА: Коля без таты і мамы паехаў электрычкай у Магілёў
Сталі вядомыя падрабязнасці паездкі малодшага сына кіраўніка Беларусі Мікалая Лукашэнкі ў цягніку. Ён вяртаўся з экскурсіі ў Магілёў, куды першапачаткова дабіраўся на электрычцы. Пра гэта БелТА расказала прэс-сакратар прэзідэнта Беларусі Наталля Эйсмант.
«Мікалай сапраўды ў чацвер вечарам ехаў на гэтым цягніку, але не з Адлера ў Віцебск, а з Магілёва ў Шклоў, куды, дарэчы, накіраваўся на электрычцы. Мэтай паездкі была экскурсія па Магілёве, такая ціхая і непублічная экскурсія,
— пагуляць «па месцах баявой славы бацькі», як выказаўся сам Мікалай. І так, без мамы і таты, — хоць на форумах ніяк і не могуць у гэта паверыць», — распавяла прэс-сакратар.
«Хачу заўважыць таксама, што насуперак таму, што часам гавораць ці пішуць, прэзідэнт выхоўвае сына максімальна проста. Так было са старэйшымі сынамі Віктарам і Дзмітрыем. Гэтак жа адбываецца зараз з Мікалаем», - дадала Наталля Эйсмант.
Фота, на якім хлопчык, як дзве кроплі вады падобны да сына кіраўніка Беларусі Аляксандра Лукашэнкі Мікалая, даслаў 19 жніўня ў рэдакцыю «Камсамолкі» чытач.
«Здымак зроблены 17 жніўня, цягнік «Адлер-Віцебск», звычайны плацкартны вагон», — растлумачыў аўтар фота.
Нагадаем, на наступны дзень, 18 жніўня, Мікалай разам з Лукашэнкам-старэйшым наведваў Шклоўскі і Аршанскі раёны, і нават, пісала дзяржаўная прэса, «намалаціў 5 тон збожжа», кіруючы камбайнам.
Цяпер чытаюць
У базе сілавікоў «БЕСпарадкі» больш за 100 тысяч чалавек22
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары