Беларусь і Польшча маюць намер у бліжэйшыя гады падвоіць кошт тавараабароту да ўзроўню 4 млрд даляраў у год.
У Мінску пад кіраўніцтвам польскага віцэ-міністра развіцця Тадэвуша Касціньскага і намесніка міністра замежных спраў Беларусі Яўгена Шастакова прайшло 5-е пасяджэнне Польска-беларускай групы па пытаннях гандлю і інвестыцый, паведамляе Радыё Польшча.
Польскі бок звярнуў увагу на вялікія магчымасці развіцця двухбаковага гандлёвага супрацоўніцтва. Гаворка ідзе, у прыватнасці, пра павелічэнне аб'ёмаў экспарту сельскагаспадарчых тавараў, машын і абсталявання, а таксама пашырэнне супрацоўніцтва ў галіне турызму, транспарту і лагістыкі.
Касціньскі адзначыў, што пашырэнню ўзаемавыгаднага супрацоўніцтва паміж Польшчай і Беларуссю садзейнічае спрыяльнае геаграфічнае становішча.
«Польшча ўспрымаецца беларускім бокам як «акно» у Еўрасаюз. У сваю чаргу для Польшчы супрацоўніцтва з Беларуссю дае магчымасць выхаду на рынкі краін Цэнтральнай Азіі», — адзначыў кіраўнік польскай дэлегацыі на перамовах у Мінску.
У Суле адзначылі Купалле. Гасцей было столькі, што на дарогах утварыліся заторы6
Каментары