Вядучыя расійскія СМІ апублікавалі гісторыю калужскага менеджара па продажах, якога вінавацяць у экстрэмізме, рэабілітацыі нацызму і распаўсюдзе порна. На 34-гадовага Івана Любшына завялі тры крымінальныя справы праз ягоныя запісы і перапосты «Укантакце».
У адным з допісаў Любшын мяркуе, што фашызм і камунізм — аднолькавае зло. Ён апублікаваў польскую песню, у якой сцвярджаецца, што «надыйдзе той час, калі на дрэвах замест лісця будуць вісець камуністы».
Апроч таго, ён размяшчаў карцінку з салдатам у касцы з эмблемай SS і подпісам: маўляў, салдаты нясуць свабоду Расіі.
Нарэшце, следчыя знайшлі яшчэ адзін акаўнт «Укантакце», які быў зарэгістраваны на мабільнік Любшына, а на аватарцы знаходзіўся яго партрэт, а ў запісах — ролікі з элементамі порна. Аднак актывіст цьмяна тлумачыць, што акаўнтам карыстаўся яго стрыечны брат, які памёр некалькі гадоў таму.
Разгляд крымінальных спраў працягваецца, таму пакуль незразумела, якое пакаранне атрымае Любшын.
Беларускі след у гэтай гісторыі просты. На многіх здымках Любшын фатаграфуецца ў шапцы з «Пагоняй». У чым яго матывацыя насіць беларускую нацыянальную сімволіку?
«У мяне карані з Беларусі. Бабуля з-пад Баранавічаў, бацька там правёў дзяцінства. А цяпер там жывуць сваякі. Фота зроблена ў Навагрудку», — патлумачыў актывіст «Нашай Ніве».
***
На тэлеграм-канал «Нашай Нівы» можна падпісацца тут.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары