Міністр адукацыі Ігар Карпенка назваў надзвычайнае здарэнне, якое адбылося з дзецьмі, што збеглі з дзіцячага садка ў Светлагорску, «абуральным выпадкам» і «грубым парушэннем».
— Абуральны выпадак, які адбыўся з выхаванцамі дзіцячага садка № 21 Светлагорска, з'яўляецца вынікам найгрубейшага парушэння педагагічнымі работнікамі сваіх службовых абавязкаў, фармальнага стаўлення да бяспечнага знаходжання дзяцей ва ўстановах дашкольнай адукацыі, адсутнасці кантролю з боку кіраўніка і выхавальніка ўстановы за забеспячэннем бяспекі выхаванцаў», — заявіў міністр адукацыі Ігар Карпенка.
Як паведамілі ў міністэрстве адукацыі, створаная камісія для правядзення расследавання, яна праводзіць праверку па гэтым факце. Пытанне аб адпаведнасцi займанай пасадзе загадчыка «Яслі-сад № 21 г. Светлагорска» будзе разгледжанае пасля заканчэння расследавання. Выхавацелька звольненая паводле Дэкрэту №5 ад 15.12.2014 «Аб узмацненні патрабаванняў да кіруючых кадраў і работнікаў арганізацый». Аб'яўленая вымова начальніку аддзела адукацыі, спорту і турызму Светлагорскага раённага выканаўчага камітэта.
У аблвыканкамы, Мінгарвыканкам і рай (гар) выканкамы мінадукацыі накіравала ліст «Аб узмацненні адказнасці за стварэнне бяспечных умоў жыццядзейнасці выхаванцаў ва ўстановах дашкольнай адукацыі».
— Звернутая ўвага на неабходнасць прыняцця неадкладных мер па выключэнні выпадкаў нядбалага стаўлення педагагічных работнікаў да сваіх службовых абавязкаў, — паведамілі ў ведамстве.
3 студзеня ў Светлагорску трое малых сышлі з дзіцячага сада і з'ехалі на дызелі ў іншы горад. Хапіліся дзяцей, калі па іх у сад прыйшлі бацькі, а тых не аказалася на месцы. Хлопчыкам 3—4 гады. Дзяцей у вагоне выявілі чыгуначнікі.
«Усё, пацаны, пагналі!» Падрабязнасці ўцёкаў трох малых з дзіцячага садка ў Светлагорску
Цяпер чытаюць
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў3
Каментары