Народная артыстка пераходзіла асветленую вуліцу па пешаходным пераходзе.
Надзвычайнае здарэнне адбылося каля 10-й вечара 15 студзеня. Ядвіга Канстанцінаўна пераходзіла асветленую вуліцу Філімонава па нерэгуляваным пешаходным пераходзе, піша kp.by.
— Гэта адбылося на пераходзе каля прыпынку «Парнікова-цяплічны камбінат». Я заўсёды яго пераходжу, з асцярогай гледзячы на дарогу, бо няма святлафора. Ёсць «зебра» і знак «пешаходны пераход». Але, на жаль, я даўно пераканалася, што многія кіроўцы на гэта не рэагуюць… — распавяла «Камсамолцы» Ядвіга Паплаўская.
Цяпер яна знаходзіцца ў лякарні са складаным пераломам нагі.
— Дзве машыны стаялі і чакалі, калі я перайду, а трэцяя не спынілася і збіла мяне… Адзіным суцяшэннем у маёй сітуацыі ў сувязі з пераломам нагі было б убачыць на гэтым пераходзе святлафор, які б прынёс карысць і спакой як кіроўцам, так і пешаходам. Бо так зручна пераходзіць дарогу на зялёны сігнал святлафора, а не бегаць на «зебры» наперад-назад, выглядаючы, ці не нясецца хто-небудзь на цябе. Аднойчы я стала на праезную частку вось на такім пераходзе, гадаючы: спыніцца хто-небудзь ці не? Ніхто нават не прытармазіў!
— Ядвіга Канстанцінаўна, а як пасля павёў сябе той кіроўца? Што з ім?
— Гэта яго памылка, цяпер з ім разбіраецца ДАІ, далей будзе бачна. Самае галоўнае — я нічога не парушала, дарога была асветленай, дзве машыны спыніліся. Пасля таго, што здарылася, я была ў стане шоку, таму хачу падзякаваць тым людзям, якія аператыўна адрэагавалі і выклікалі машыну хуткай дапамогі і ДАІ.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары