Чатыры месяцы не прайшло ад моманту, калі Глеб Лабадзенка абвясціў пра збор сродкаў на першы ў Беларусі помнік Тадэвушу Касцюшку, а ўжо і дазвол на яго ўсталяванне ёсць, і сама скульптура адлітая. Застаецца толькі вырабіць падмурак, і ўжо ў лютым помнік можна будзе ўрачыста адкрываць.
На помнік ахвяравалі больш за 700 чалавек. Гэнік Лойка бясплатна стварыў эскіз і вылепіў помнік у натуральную велічыню. А заслаўская фірма «Гранітны свет» пагадзілася вырабіць шыкоўны пастамент за паўцаны.
Івацэвіцкі райвыканкам дазволіў усталяваць скульптуру на тэрыторыі музея-сядзібы Тадэвуша Касцюшкі ў Мерачоўшчыне. Гэта родныя для Касцюшкі мясціны, тут ён нарадзіўся.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары