Рэйтынг найбольш небяспечных гарадоў свету, які склалі эксперты мексіканскай арганізацыі «Грамадзянская рада па бяспецы і крымінальным правасуддзі», па выніках 2017 г. узначаліў Лос-Кабас, размешчаны ў мексіканскім штаце Паўднёвая Ніжняя Каліфорнія, дзе ў 2012 годзе адбыўся саміт G20.
Як адзначаюць эксперты, у гэтым горадзе ў 2017 годзе быў зафіксаваны самы высокі ўзровень забойстваў - 111 выпадкаў на кожныя 100 тыс. чалавек. На другім месцы рэйтынгу апынулася сталіца Венесуэлы Каракас. Трэцяе месца заняў горад Акапулька ў мексіканскім штаце Герэра. Тут на 100 тыс. чалавек прыходзіцца амаль 107 забойстваў.
У дакладзе гаворыцца, што ў топ-10 самых небяспечных гарадоў свету патрапілі пяць гарадоў з Мексікі. Акрамя ўжо згаданых у спісе апынуліся Ла-Пас, Тыхуана і Сьюдад-Вікторыя.
Усяго ў рэйтынгу 50 гарадоў свету, большасць з якіх размешчаны ў Лацінскай Амерыцы. Лідарамі па колькасць небяспечных гарадоў сталі Бразілія і Мексіка — 17 і 12 гарадоў адпаведна.
Што да Беларусі, то за 2017 год, па звестках міліцыі, у краіне было зарэгістравана 348 забойстваў і замахаў на забойства (3,5 — на 100 тыс. насельніцтва).
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі39
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары